Nadoman Hikmah
28
Puguh mah kantenan pisan
Sabar
teh ku abot pisan
Sok mehmehan kawalahan
Rek
sabar teh sesah pisan.
Rek solat kaleked pisan
Mindengna hoream pisan
Ku rupa-rupa alesan
Padahal ngan
jijieunan.
Padahal ku kasabaran
Eta teh keur
mere jalan
Keur ngungkulan pasualan
Kasabaran teh nulungan.
Solat oge kitu sami
Bakal nulungan
ka jalmi
Kitu pidawuh Pangeran
Solat jeung
sabar lakonan.
Mangka husu hakul yakin
Percaya
lahir jeung batin
Yen urang di hiji wanci
Bakal
mulang ka Nu Suci.
29
Ari mungguhing manusa
Sok hilap
kana asalna
Yen hirup di alam dunya
Kapurba
Maha Kawasa.
Henteu kendat kenging ni'mat
Tur
kenging kurnia rohmat
Punjul ti mahluk nu lian
Tapi sok
hilap sukuran.
Nu mawi kedah iatna
Salira kedah diraksa
Diri pribadi dijaga
Bisa pinanggih
cilaka.
Napsi-napsi pada-pada
Nanggung
amal ibadahna
Moal aya nu nulungan
Ngan
ditanggel ku sorangan.
30
Mung Alloh anu nulungan
Ka
umatna anu iman
Urang omat ulah lali
Kana kisah nu
bihari.
Keur israel ditulungan
Ku Alloh
ditangtayungan
Tina kejemna fir'aon
Anu ku Alloh dibendon.
israel harita jangji
Bakal takwa ka
Ilahi
Tapi kalah jalir jangji
Nyembah arca
anak sapi.
Boa urang ge ayeuna
Aludar tina
subaya
Nyarembah kana berhala
Mangeran ka harta banda.
Tapi lamun enggal sadar
Yen kitu
laku teh ingkar
Enggal neda pangampura
Alloh
Maha Wijaksana.
31
Nu dolim tong diturutan
Baheula
geus kaalaman
Umat jaman Nabi Musa
Nyarembah
arca berhala.
Padahal geus dielingan
Ku Nabi
Musa utusan
Dina Toret geus diserat
Alloh
maparin amanat.
Urang ge jaman ayeuna
Kade ulah
kitu peta
Gawe ngumpul-ngumpul harta
Harta dijieun berhala.
Mun rumaos nyorang lepat
Atuh
kedah gancang tobat
Da Alloh mah Maha Heman
Ngahapunten kalepatan.
32
Sadayana kitabulloh
Eta teh wahyu
ti Alloh
Tur sanes dongeng carita
Nanging
kisah anu nyata.
Kitabulloh kisah nyata
Urang wajib
percantenna
Sanes dongeng jijieunan
Nanging
firman ti Pangeran.
Sadaya pikeun pepeling
Sangkan
manusa areling
Ulah dolim k aniaya
Bisi cilaka
dirina.
Kudu buru-buru tobat
Bisi kaburu
sakarat
Alloh bakal nampi tobat
Asal
tobatna tong elat.
33
Ayeuna ge seueur pisan
Anu
nyarita su'aban
Hayang ningali Pangeran
Nu kitu
teh sombong pisan.
Jelema nu sombong kitu
Eta teh nu
gede hulu
Geus kacontoan baheula
Jaman
umat Nabi Musa.
Ulah sok asal nyarita
Rasa maneh
geus utama
Padahal iman di doja
Ku napsu
tong kaperdaya.
Asal ngomong eta ingkar
Bilih ku
gelap dibentar
Upami Alloh teu heman
Tangtu
moal dihirupan.
34
Panas dinten tengah poe
Meujeuhna pisan tangange
Panasna entak-entakan
Sagara
keusik umpalan.
Titingalan ririakan
Hawa teh lir
seuseuneuan
Panas teu aya tandingna
Di tengah
gurun Sahara.
Lajeng ku Alloh Nu Heman
Mega
ngalayang ngiuhan
Ka umatna Nabi Musa
Iuh
dipayungan mega.
Dilungsurkeun keur leueuteun
Mana bilih halabhabeun
Dilungsurkeun oge salwa
Daging
puyuh keur tuangna.
Alloh kalintang asihna
Ka umatna
anu takwa
Nu dolim mah nya dirina
Alloh mah
teu kaniaya.
Back | 2 | 4 | 5 | 6 | 7
