06 Nu disebut poe Fashli eta teh teu
aya deui iwal ti poe kiamat poe wawales teu
lepat.
Lajeng ditiup sangkala kiamat
dadak sakala sadaya mhluk palastra pada
ngaleupaskeun nyawa.
Panto langit nembrak muka sareng kabeh nyawa jalma lumebet ka eta panto panto langit
nu molongo.
Poe Fashli bakal cunduk bakal
maot sugri mahluk sadayana tilar dunya kiamat teh
nya harita.
07 Ari dintenan kiamat estu kajadian
hebat dunya genjlong gunjang-ganjing ngarandeg henteu nguriling.
Gunung gunung tingbaliur rabeng
haliber kalabur tingsoloyong tingkoleang tingbelesat ngawang- ngawang.
Gunung-gunung teh baritu sawareh pada diadu,
henteu aya anu nyesa alam dunya
jadi rata. Anu nyesa kari lebu ngebul di dieu
di ditu alam dunya ririakan hawa panas
nyongkab pisan.
08 Poe Fashli poe ahir cilaka jalma nu
kapir nyawana teh matak watir sabab
hirupna mubadir.
Ka naraka disuntrungkeun seuneu
panas disampakkeun sabab keur hirup di dunya ka
Alloh teu iman takwa.
Di narakana teh langgeng abadi
saendeng-endeng panto naraka ditutup panasna
moal kauntup.
Nu kapir disiksa beurat langgeng
keuna ku pangla'nat cilaka estu cilaka nu kapir bakal
disiksa.
09 Lamun bae urang terang anu kapir
keur dipanggang dikulub jero naraka estuning watir
kacaida.
Maot henteu hirup henteu diduruk
jeroning seuneu halahab hanaang pisan hayang
nginum kapanasan.
Nu aya cai ngagolak panas
pacampur jeung ruhak bau bangke matak utah da
pacampur reujeung nanah.
Kitu gambaran naraka nu matak
urang sadaya kudu iman kudu takwa ka Alloh
Nu Maha Esa.