Nadoman QS_78
10
Dangukeun ieu nadoman
pikeun
jadi paringetan
saha nu nolak Al-Qur'an
tangtuna
kenging siksaan.
Komo anu nyebut palsu
kana Al-
Qur'an teu ngaku
Al-Qur'an disebut dongeng
nu kitu
dosa singhoreng.
Ari siksa nu katampa
saimbang
reujeung dosana
moal langkung moal kirang
siksaan bakal saimbang.
11
Bagja teuing nu muslimin
keur
muslim teh sarta mu'min
jaga bakal ka sawarga
sabab iman
sarta takwa.
Sawarga teuing ku endah
patempatan matak betah
seueur kembang seueur buah
estu
matak tumaninah.
Buah anggur ruruntuyan
cukul
sakur kekebonan
gelas kristal nu harerang
ngaleueut lamun hana'ang.
Dijaga ku mojang geulis
lalucu
sarta maranis
di sawarga matak betah
teu aya
pisan kasusah.
Sawarga teh keur ganjaran
ka
jelema anu iman
Alloh Anu Maha Heman
ka
mahlukna anu iman.
12
Gusti Alloh Nu Kawasa
Gusti Alloh
Maha Esa
Pangeranna jagat raya
nu
disembah ku mahlukna.
Dina dintenan kiamat
jaga di alam
aherat
taya nu wani unjukan
iwal mun
widi Pangeran.
Malaikat nu ngajajar
sadaya wirid
istigfar
mun ku Alloh dipariksa
unjukan
satarabasna.
13
Eling-eling yeuh baraya
dangukeun ku sadayana
nadoman penting kacida
matak
kudu iman takwa.
Ari perkara naraka
eta teh pasti
ayana
kahade ulah cangcaya
urang wajib
percayana.
Lamun hayang ka sawarga
atuh
kudu iman takwa
nyembah ka Alloh Nu Esa
ulah
nyembah ka berhala.
14
Ieuh dulur sadayana
dangukeun
nadoman heula
eusina penting kacida
pamungkas
surat An-Naba'.
Ari kiamat teh pasti
bakal cunduk
hiji wanci
nembrak gawe unggal jalmi
sakabehna ge kaciri.
Tah harita kajadian
anu kapir
gogoakan
amal gawe kabandungan
nembrak kabeh kasaksian.
Leungeunna kabeh nyarita
naon
nu dipigawena
anggota badan lianna
jadi saksi ka
dirina.
Anu kapir teh careurik
hanjakal
keur hirup musrik
mending keneh jadi lebu
moal
ngalaman hanjelu.
Jadi taneuh mah teu nista
da tara
milampah dosa
jadi manusa mah nista
da bongan
milampah dosa.
Tina Surat An-Naba'
Back | 1 | 2 | 3 | 4
